بسم الله الرحمن الرحيم ..
السلام عليكم ورحمة الله وبركاته،
ازيكو ياقماعة؟
وعوداً حميداً يا أنا للتدوين
> الظاهر كل مرة بنزل فيها تدوينه بكتبها هههههه
قاتل الله العجز والكسل
ممم .. صراحةً الموضوع مهوب عجز وكسل قدّ ماهو ضيق بالوقت
ولا الأفكار اللي ببالي كثيييير كثيير
الله يبارك لي ولكم في أوقاتنا وينفع بنا ..
؛
قبل فترة نزلت بالسناب عن فكرة بسيطة
وأعجبت كثير من اللي عندي ..
فتحمست أنرلها بالمدونة بخطواتها رغم وضوحها
الفكره كانت عبارة عن لوحة سويتها بموجاتي الصوتية
طريقتها سهلة وبسيطة جداً،
وبإمكانك تبدعين فيها أكثر وأكثر XD
أول شيء؛
مصادري الإلهاميّة لهالعمل كانت من هذي الصور “اضغطوا عليها وتلقون مصدرها”
بعضهم جاهز للبيع ولكم الخيار في تغيير الموجة الصوتية حسب ماتحبون..
بعدها قررت أسوي شيء يحمل نفس الفكرة،
لكن بطريقتي أنا !
وفعلاً ماوجدت بالنت الا صورة وحده فقط
مستخدمين فيها نفس فكرتي .. مما زادني بها تشبثاً
؛
كل اللي نحتاجه:
– لوحة كانڤس (الحجم كما تفضلون)
– خيط باللون اللي تفضلينه، ابره
– شريط لاصق
،
أول شيء، بما أني ابي فيها لمسة شخصية بحتة
سجلت صوتي من خلال ساوند كلاود
واخترت ساوند كلاود تحديداً، لأني ماوجدت أي موقع او برنامج يسجل الصوت
ويطلع لي الموجات الصوتية بهالشكل بالضبط
ولأني بخيطها أحتاجها بشكل متوازي طولياً ..
يعني: أبي كل نقطة فوق تلتقي مع نقطة تحت ..
طبعاً هنا لك حرية الخيار باختيار الكلمة / أو بيت الشعر / أو الرسالة
اللي حابة توصلينها للمُهدى إليه
أو
اذا كنتِ تبينها لنفسك، فاختاري مايناسبك انتِ
أنا شخصيا سجّلت بيت شعر لفاروق جويدة
ونصيحتي، كلما كثرتِ كلام
بتتعب يدك بالخياطة
خليها قصيرة ذات معنى عميق ..
مثلاً :
“ وغدا أراك على المدى
شمسا تضئ ظلام أيامي
و إن كانت بعيدة “
“ لماذا أراك على كل شيءٍ
كأنكِ في الأرضِ كل البشر “
“ فلا البعد يعني غيابَ الوجوه
ولا الشوقُ يعرفُ .. قيدَ الزمانْ “
“ رأيتُ من وجهك شيئاً في كل الأشياء “
“ وتبقين وحدكِ صبحاً بعيني, إذا تاه دربي فأنتِ الدليل “
نطبع الموجة الصوتية اللي سجلناها بحسب الحجم اللي نشوفه مناسب
للكانڤس ..
ونلصقها بالمكان اللي نبيه .. أنا فضّلت اني ارفعها عن الوسط بشوي
في حالة إني حبيت أضيف ترجمة الموجة الصوتية بخط يدي تحتها،
او ع الزاوية اليسرى تحت
أو مثلا اكتب ترجمة الموجة الصوتية بطريقة معينه،
واقصها باستخدام آلة القص مثل الكاميو أو الكريكت
(اضغطوا عليها لو حابين تشوفونها في امازون)
والصقها على الكانفس
مثل ماسوت صاحبة هالصورة :
عموماً،
يمديكم تتفننون بطريقة الترجمة زيّ ماتحبون وباشكال اخرى ?..
أنا شخصيا ما اضفت ترجمه للموجة،
لكن لو بهديها لأحد أكيد بضيف ترجمة للموجة الصوتية بطريقة لطيفة
المهم،
نبدأ نخرم بالإبرة الموجات الصوتية .. ولكم الحرية في ترك بعض الموجات
او عملها كلها
بالنسبة لي سويتها كلها بذمة وضمير
هنا الشكل بعد تخريمها .. وقبل البدء بالخياطة
كما هو واضح، بدأت أول شيء بخط الأساس اللي بالوسط
ثم الموجات نفسها
تَررررا !!
وخلصناها ولله الحمد ..
أخذت مني تقريبا ساعة ونص إلى ساعتين .. شبه متواصله
لكنها تستاهل
جميلة جداً للتعليق على الجدران ..
أوكهدية مميزة لصديقة غالية
بحيث كأنها تتلقى رسالة مسموعة بصوتك..
مصنوعة لها هي فقط!
تبقى عندها مدى العمر
أحسها هدية لطيفة وعميييقة المعنى ..
يعني بنبسط لو احد اهداني اياها < فهمتوها ولا ألمّح زيادة ؟
**
هذا ماكان في جعبتي لليوم؛
نراكم على خير بإذن الله قريباً
<
p style=”text-align: center;”>استودعكم الله
جميييل ماشاء الله ?❤️❤️❤️❤️❤️
أهلا أهلاً .. الله مار يسلمك اخيتي :$ ق٢
تحمست لدرجة كان ودي اقوم اسويها الحين بس تذكرت ان ماعندي اللوحة ??
حبيتها حبيتها مره ، الله يسلم يدينك ويسعدك قد ما انتِ انسانة مُلهمة وبطلة ?✨
أهلاً بعهووود ??
ههههههه ياحبي لك والله ..
الله يرفع قدرك .. آميين واياك، انتم دافعي للمزيد ?
?
سعيدة جداً بتواجدك في المدونة :” ()+
الله يعطيكي العافية
شفت هذه الفكرة قبل بس مرسومة ،اعجبتني فكرة الخياطة
انا من الجزائر و اتشرف بزيارتك لمدونتي fouffffa.blogspot.com
^_^
لي الشرف .. زرتها واحببت مواضيعك جدا اللهم بارك !
ما فهمت طريقع الخياطه
ما ادري اي جزئية لم تفهميها بالضبط .. لكن الطريقة بسيطة
باستخدام ابرة تخرمين نقاط الموجات الصوتية اللي طبعتيها مسبقا.. ومن ثم تشيلين الورقة و بالخيط تصلين النقاط ببعضها (خياطة يدوية)
وبس!
بسويها لصحباتي كهدية تخرج ?
بتكون هديه جميلة ? بشريني كيف تصير!