فبراير ٢٠-٢٠١٤
كنت متحمسه أوثّق يوم أمس بأسرع مايمكن!
لأن هاليوم ما أبي أنساه ..
عوضني عن كل الأيام اللي فاتت بشعور تضييع الوقت ، و عدم الإنجاز ٠.٠”
بالفعل رغم زحمة الوقت أمس و صعوبة الشغل خاصة وأني أسويه أول مره بلحالي
كان تحدي كبير بالنسبة لي ♥♥
بدايةً من تحميض الفلم ،، و نهايةً بتركييب الصورة على ورق قوي
عملية التحميض بحاول اختصرها بهالخطوات ، حتى يُفهم انا وش اسوي بالضبط،
– اجراءات رول الفلم :
- التقاط الصور
- تحميض الفلم ، والشغل بهالخطوة بالغرفة المظلمة .. ياخذ حوالي ٣٠-٤٠دقيقة
- ثم تعليق الفلم بالنشافه لمدة ٤٠دقيقة عشان ينشف،
- بعد ماينشف الفلم (تمااااماً) نبدأ نقصه لخمس فريمات و نحطه جوّا ملف شفاف خاص للافلام
- بعد مانختار الصوره المناسبه من ناحية تباين الألوان
- نرجع للغرفه المظلمة ونشتغل ع التحميض بحيث نضع الصوره اللي اخترناها من ملف لفريمات داخل جهاز التكبير، عشان يكبر الفريم وتصير الصوره بالحجم اللي نبيه ..
- من خلال تعريضي ” الفريم ” او الصوره اللي اخترتها .. للضوء على ورق حساس للضوء .. تبدا تتشكل الصوره بس مانشوفها ليما نخلطالصوره بأدوات كيميائية
– هذا بالنسبة للنقطة الاولى : http://www.youtube.com/watch?v=5tQRnAmw2SU
– وهذا لتحميض الصور : http://www.youtube.com/watch?v=bXtpfe17Iz0
المهم؛
انا كنت أساسا قبل امس مسويه النقطه الأولى ، لكن باقي لي احمض ثلاث صور .. و على أساسيات معينه كما هو مطلوب بالواجب ..
المشكله ان الصور مرات لو أخطأت بمدة وكمية الضوء النافذ للورق .. يخرب كل شي وتصير اغمق -.-
و لااازم نوازن بين هالشيئين .. و هذا اللي صار لي أمس
دخلت المعمل ٢ .. ماطلعت منه الا حول ٩ الليل ! متخيلين ؟
متخيلين التعب اللي عشته .. كنت كل الوقت واقفه ، اول تحميض عدتها يمكن خمس او ست مرات
وفعلاً تعببببتني .. آخر شي قررت أغيرها ╰﹏╯
و الحمدلله كانت خيرة ..
أذكر اني ما افطرت الصباح .. و جلست لين العصر، كل شوي أقول ابطلع هلحين آكل لي شي و أرجع،
ثم فجأة ألقاني أكمل ، مابي آكل لين احس اني خلّصت وارتحت ..
و فعلاً مرات كثير لما اكون متوتره لشيء ما يهنا لي آكل .. لين ارتاح من الشي اللي شايله همّه ! خاصة اذا كان شي أنا أحبه
و أبغى اني أخلصه على أكمل صورة ..
اذكر لما صليت المغرب جلست اقول اللاه يازين الصلاة ..
فككت عظامي شوي ” من كثر ما انا واقفه بالمعمل تبارك الله ” ض٥ XD
طبعا ما اكلت لين الساعه ٧ ، .. لو اني صايمة أبرك ٠.٠ !
ع ثمان وشوي نشفوا الصور .. ( لازم بعد ما اخلص تحميض أعلقها لمدة ساعتين عشان تنشف )
ثم بديت أركبها ع الورق المقوى بمقاسات صحيحة وهيك ،
بالنهاية، كنت تعبانه جدداً .. بس لذيذ هالتعب لذيذ اللهم لك الحمد ..
أذكر لما رجعت للبيت أشوف وجهي شاحب ( أو أنه يتهيأ لي ◭ـ◭ ؟
ما أظن !
لأن فعلا وقتها كان فيني نوم و جوع .. لأن اللي ماكلته ٧ كان تسكيتة !
المهم .. كانت النتيجة مرضية ! رغم وجود صور أجمل بس للأسف ما كانت تطابق المطلوب،
فلعلّي أحمضها لنفسي بعدين ! =/
و هذي هي النتيجة أهديها لنفسي ◡‿◡✿
و لكم بعد o‿o !
بحبكم كتير كتير ()++
و يالله ، لازم ألحق ! كلاسي بدأ ! O﹏o
سلملم ! ق٢
التعليقات ..