أزهِر ~

  بسم الله الرحمن الرحيم السلام عليكم ورحمة الله وبركاته       اشتقت لكم ولمدونتي كثيييييــر  !      * تنبييييه !  هذي التدوينة كُتبت بإخلاص وحماس فلا ينلحس مخّك اذا شفتني فجأة اتكلم فصيح، ثم اقلب عامّي  لذلك جرى التنويه وشكرا *وردات الواتس اب الحمر*   من قبل أفتتح …

9:35م       آخ .. مُــــجـــــهــده !!!  كيف هالنتف الصغنونين يستنفذون كلّ طاقاتنا و جهدنا  و يبي لهم طولة باااال و صبر  يا رب اصلحه و ارزقنا برّه و نفعه ، و اغفر لوالدينا كما ربونا صغارا :”   كنت أنتظر الوقت المناسب اللي اكتب فيه تدوينه لمنتج حبيته، و أصمم …

٢٧ ابريل، فترة اختبارات نهائيه يبدو لي اني متوحمه ع ذا المدونه .. مره مافيني أكتب فيها أبدا -.- أحس فعلا ودّي اسحب لفتره و ارتاح شوي .. المعذره منكم .. سامحوني ض٢ سلملم !

اللطف الخفيّ ()

الأسبوع اللي فات باختصار .. أعطاني درس !
درس عظيم أرى أثره حولي في كل مكان :””

الاسبوع الماضي باختصار، كان فوضى
كنت شايله همّه من الاسبوع اللي قبله ..

و لمّا جاء موعد اليوم اللي عندي اختبارين و برزنتيشن  .. كنت مُحبطه جداً لاني ماخلصت شي!
الاختبار الثاني ماخلصته -التاريخ –
و الحاسب كله اكواد وبرمجه .. مايكفيه ساعه ونص “مدة الكلاس” وانا بطيئه شوي بكتابه الاكواد !!!
وبطئي هذا نقصني كثير بأول اختبار !

والتاريخ كلله نكتب بارقرافات عن الاحداث التاريخيه بتواريخها او الحقبه الزمنيه
والبرزنتيشن مسحوب عليه الا شوي ٠.٠

يا الله!!! مدري وش اسوي!

لكن .. لُطف الله الخفيّ !!!
و رحماته المحيطة بنا :””
يالله ! من يتصور أن استاذة الحاسب ع نهاية الوقت .. قالت لنا ، كل واحد ياخذ اختباره للبيت و يسلمه لي قبل نص الليل !!
و من يتصور ان اختبار التاريخ اللي جلست أراجعه حول نص ساعه فقط على أول جزئيه و ثلث ساعه ع الجزئيه اللي ماخلصتها،
و مع ذلك طلعت من الاختبار قبل عشر دقايق من نهاية الحصّه
وانا مكملته !!

أتذكر كيف قلبي كان يررقع وانا داخله اختبار التاريخ ،
كنت بصيح ! فعلياً كنت بصيح !

و أتذكر كيف لما كنت أقول ماراح يمديني ، أو ماراح أحل زين
أرجع أقول لنفسي:  من توكل على الله فهو حسبه !
مب من الأدب اني أتوكل ثم اناقض توكلي بهالكلام !
و الله يحب المتوكلين .. و رحمته و سعت كل شيء :””

* و الآن ، ألمس رحمات ربّي تحيط بي من كل جانب :”
أجبت دعائي و حقّقت رجائي ..
فمن أنا من دونك يا الله :””

اللهم أعنّا على ذكرك وشكرك وحسن عبادتك ()

 

الثلاثاء مارس٤/ ٢٠١٤ ٢:٣٧م  عندي كلاس ٣:٣٠، يااه .. كيف يكسرنا فُقدُ أحدهم :” و كيف تمسي أيامنا و تصبح بلا طعمٍ أو لون نحتاج الكثير من الوقت لنعتاد ذلك .. يا رب اجبر كسرنا ، – الداعي للكتابه .. المغتربات اللي في المدينه اللي بجمبنا، اغلبهم جايين لغرض علاج …

أمي ()

.

صوت أمي ، دعاء أمي و دفء وجهها ، يُسقط عن قلبي أحزاني ()*

.

الاثنين  ٢٤ فبراير /٢٠١٤ ٣:٤٤م بالجامعة.  جالسة آكل صحن فواكه و اتوقع اني أبثرت اللي قدامي بقروشتي  ٣:٥٩م .. خلصته هلحين و تقعّدت للكتابه ع سنع –●‿●- المهم؛ انا جايّه وقلبي يرفرف فرحاً ()++ اللهم لك الحمممد :” الانسانه تجنن ╥﹏╥ ♥♥♥ السالفه ومافيها، أن الاسبوع اللي فات ( أسبوع الضغط …

رسمة سريعه بعد تدوينتي السابقه ..
و تصبحون ع خير ()+

 

فبراير ١٤. ٢٠١٤
الجمعة 
٩:٥٧م

الوقت الضائع ، كيف نستغله ؟
أحتاج استغل وقتي هذا ..
الوحدة مرات تكسر ،
تذكرك بأشياء كنت منشغل عنها ، متناسيها “:

انا مدري ليه اخترت اني ما أروح لجمعة البنات اليوم
لكني متأكدة أني محتاجه أررتاح
أجمّع نفسي شوي
ما أبي أحسّ ان يومي ماينقضي على عجله ، كل شي ابي اسويه بسرعه عشان يمديني أسوي الشي اللي بعده
كل جمعة روتيني نفسه ، وكلله يتسوا بعجله !
ارجع من الجامعه ارتب البيت بعجله قبل يجون البنات ٣:٣٠، اطبخ الغدا بعجله، اكنس بعجله، نتلو ونفسرّ بعجله علشان يمدينا نخلص بدري ! ونتجهز لعزيمة البنت اللي مناديتنا بعد المغرب بعجله
ونكشخ بعجله! ونروح للبنت ..
اذا وصلت للبنت اكون خلااص مهدوده ! قايمه من ٧ .. مافيني أسهر لأكثر من ١١
ومع ذلك نسهر لين ١٢ ومرات ل١ 🙁
لا أنا جلست معهم زي الناس ولا انا اللي جلست البيت ونمت ..

لكن اليوم .. كسرت القاعده !
اخترت ان اجلس بالبيت .. و فعلاً انا الآن جالسه ، بدون شغله
و كالعاده ، يبدأ تأنيب الضمير
هالوقت الضائع لازم أقضيه بالمفيد ، بالنافع،
ع الاقل احل واجباتي !

– الغريب مرات ما القى واجب أحله،
لكن قبل الواجب بيوم اتذكره !!! اف اكره لما يروح الشي من بالي تماما !
ولا القاه مسجل بسجل الواجبات -.-

الخُلاصه ،
إذا ما رتبت وقتك بالشكل المطلوب، راح تتفاجأ انك ما تستمتع بيومك و حياتك كلها..
لأنك جالس تقضيها على عجل ..
تتعجل حتى تنجز،
بالتالي : لا إنجاز يُفخر به، و لا مُتعه في يومي الضائع -.-

و السلام عليكم ()+

 

غسيل دِماغ !

Feb11.2014
٢:٠٧م

بالجامعه – المكتبة

– شعور مؤسف حين تؤثر الدوله على الشعب،

و تغسل ” دماغهم ” غسل !

و الأمرّ لما مايستوعب هالحقيقة إلا قلّه !



العيش هنا .. لما تتفكر فيه بعيييد عن كل الملهيات اللي هم عايشين فيها، 

و اللي أحنا نشوفه شي واااو ! ونغترّ بدنياهم 

لما تدققّ .. تدقق زين، راح تلاحظ كيف تأثير الإعلام عليهم ..

الشعب ماحاول يطلع برا ، يحس انه خطر عليه .. القليل يطلع اما البقيه يحس أن الأمان في بلده وبس!

ماحاول يستكشف حقيقة اللي يخبيه إعلامهم ..


السؤال اللي يتردد ببالي كثير ، ليه الإعلام يسوي كذا؟ 

خلّى الشعب يكتفي بدولته ويحسّ انها أقوى البلدان، 
مافيه مثلهم !


إعلامهم الكبير هذا أثّر حتى علينا حنّا .. و نص القنوات اللي عندنا تدعم إعلامهم و افلامهم بشكل كبير،

لكن وشو السر وراء هالهيلمه ؟
ليه يكبرون انفسهم ؟ و يسفّلون ببلدان معينه .. أقرب مثال : السعوديه و باكستان ، و طقتها !! 🙂

كنت اتكلم مع زميلتي بالكلاس، 

وشي يجرّ  شيء تكلمنا بهالموضوع ..
من حسن الحظ أنها مثقفه ، سافرت لبلدان كثير ، و مُعجبة بالثقافه العربية
مع الكلام .. أثبتت لي صحّة ماكنت افكر فيه أعلاه ! 
هي لأنها سافرت ، وشافت! تغيرت وجهة نظرها .. لكن الناس اللي حولها تقول مستحيل يغيرون وجهة نظرهم
و لا يبون يسافرون برا البلد !!
ليه ؟ 
لأن المكان خطير ومب آمن !!!

اووه .. لهالدرجه إعلامهم مرهّبهم ! 🙂


سؤالي اللي مالقيت له إجابه ..


ليه كل هذا ؟ و وش السرّ من وراء تشويه السمعات وهالأفكار الخاطئة ؟

ليه دائما يوهمون شعبهم أنهم الأقوى .. و حلّالين المشاكل ؟ يرفعون ضغطي
الشعب ماخذ مقلب انهم فعلا حلّالين مشاكل 🙂 !! 
وانهم منقذين العالم !!
هالشي يحسسني أن الشعب سااااذج! .. إلا ندرة و قلّة ، وهم المثقفين أو اللي فاهمين سياسة الحكومة زين ..!

هالبنت أثارت نار من الأسئلة في داخلي، كنت أسكّت نفسي كلما تساءلت ..

بيّنت لها ان حنّا ( الاجانب ) فاهمين هالشي، وفاهمين كيف أن الشعب مغسول مخّه من خلال إعلامهم !
و الحق يُقال ..
إعلامهم قوي قوي !


هو اللي خلّانا نغتر فيهم أصلا!!

و هو اللي خلّا المسلمين نفسهم يغيرون نظرتهم للجهاد ! 🙂
و يغيرون نظرتهم لأشياء كثييير مايحتاج أخوض فيها الآن لضيق الوقت،
لكني فعلاً خضت في نقاشات عقيمة مع مسلمات “مغتربات ” عربيات لأجلها !
و اكتشفت كيف أن الإعلام بسهووولة .. قدر يلعب بمخهم خلال سنه أو اكثر ..

حنّا المفروض بعد كل فلم نشوفه، أو مسلسل أو أي كان ..

نوقف وقفه مع أنفسنا :
– هل هذا صح ؟ أو غلط ؟
– انا الفروض أصدّق ما يقال بهالفلم أو لأ ؟ ..الخ

لانترك لهم مجال بغسيل مخوخنا ! *.* < تحمست خخ


آآخ  تدوينتي يبي لها إثراء .. و أمثلة كثيرة بالبال ، لكن لضيق الوقت عندي واجب ابي اخلصه قبل الساعه ٣:٣٠ -.-

مضطرة أستودعكم الله ..


و بالنهايه؛

يا مقلب القلوب ثبّت قلوبنا على دينك :”
و أحسن خاتمتنا .. و لا تقبضني إليك إلا وقد رضيت عني تمام الرضا :”
يا رب ارنا الحق حقّا وارزقنا اتباعه، و أرنا الباطل باطلاً و ارزقنا اجتنابه ()

الله ينفع بي و إياكم ، و يرزقنا الحكمة قولاً و عملاً 


سلام عليكم ()+