اصنعيها بنفسك – لوحة بـموجاتك الصوتية !

 

بسم الله الرحمن الرحيم ..

السلام عليكم ورحمة الله وبركاته،

 

ازيكو ياقماعة؟

وعوداً حميداً يا أنا للتدوين

> الظاهر كل مرة بنزل فيها تدوينه بكتبها هههههه

قاتل الله العجز والكسل 

 

ممم .. صراحةً الموضوع مهوب عجز وكسل قدّ ماهو ضيق بالوقت

ولا الأفكار اللي ببالي كثيييير كثيير 

الله يبارك لي ولكم في أوقاتنا وينفع بنا .. 

 

؛

 

قبل فترة نزلت بالسناب عن فكرة بسيطة

وأعجبت كثير من اللي عندي ..

فتحمست أنرلها بالمدونة بخطواتها رغم وضوحها

 

الفكره كانت عبارة عن لوحة سويتها بموجاتي الصوتية 

IMG_5997 copy

 

 

طريقتها سهلة وبسيطة جداً،

وبإمكانك تبدعين فيها أكثر وأكثر XD

 

أول شيء؛

مصادري الإلهاميّة لهالعمل كانت من هذي الصور “اضغطوا عليها وتلقون مصدرها”

بعضهم جاهز للبيع ولكم الخيار في تغيير الموجة الصوتية حسب ماتحبون..

 

screen-shot-2016-11-07-at-9-35-57-pm-600x109

il_570xN.763721490_mgww

 

aa5da53a1df504018bf256cae425d34d

 

screen-shot-2016-11-07-at-9-39-10-pm-600x119

 

 

بعدها قررت أسوي شيء يحمل نفس الفكرة،

لكن بطريقتي أنا  !

وفعلاً ماوجدت بالنت الا صورة وحده فقط

مستخدمين فيها نفس فكرتي .. مما زادني بها تشبثاً 

 

؛

IMG_5984 copy

كل اللي نحتاجه:

لوحة كانڤس (الحجم كما تفضلون)

خيط باللون اللي تفضلينه، ابره

شريط لاصق  

،

أول شيء، بما أني ابي فيها لمسة شخصية بحتة

سجلت صوتي من خلال ساوند كلاود

واخترت ساوند كلاود تحديداً، لأني ماوجدت أي موقع او برنامج يسجل الصوت

ويطلع لي الموجات الصوتية بهالشكل بالضبط

ولأني بخيطها أحتاجها بشكل متوازي طولياً ..

يعني: أبي كل نقطة فوق تلتقي مع نقطة تحت ..

طبعاً هنا لك حرية الخيار باختيار الكلمة / أو بيت الشعر / أو الرسالة

اللي حابة توصلينها للمُهدى إليه

أو

اذا كنتِ تبينها لنفسك، فاختاري مايناسبك انتِ

أنا شخصيا سجّلت بيت شعر لفاروق جويدة 

ونصيحتي، كلما كثرتِ كلام

بتتعب يدك بالخياطة 

خليها قصيرة ذات معنى عميق ..

مثلاً :

 وغدا أراك على المدى
شمسا تضئ ظلام أيامي
و إن كانت بعيدة

لماذا أراك على كل شيءٍ
كأنكِ في الأرضِ كل البشر

فلا البعد يعني غيابَ الوجوه
ولا الشوقُ يعرفُ .. قيدَ الزمانْ

رأيتُ من وجهك شيئاً في كل الأشياء

 وتبقين وحدكِ صبحاً بعيني, إذا تاه دربي فأنتِ الدليل

 

IMG_5983 copy

نطبع الموجة الصوتية اللي سجلناها بحسب الحجم اللي نشوفه مناسب

للكانڤس ..

ونلصقها بالمكان اللي نبيه .. أنا فضّلت اني ارفعها عن الوسط بشوي

في حالة إني حبيت أضيف ترجمة الموجة الصوتية بخط يدي تحتها،

او ع الزاوية اليسرى تحت 

أو مثلا اكتب ترجمة الموجة الصوتية بطريقة معينه،

واقصها باستخدام آلة القص مثل الكاميو أو الكريكت 

(اضغطوا عليها لو حابين تشوفونها في امازون)

والصقها على الكانفس

مثل ماسوت صاحبة هالصورة :

vinyl-tutorial-silhouette-cameo

 

عموماً،

يمديكم تتفننون بطريقة الترجمة زيّ ماتحبون وباشكال اخرى ?..

أنا شخصيا ما اضفت ترجمه للموجة،

لكن لو بهديها لأحد أكيد بضيف ترجمة للموجة الصوتية بطريقة لطيفة  

 

IMG_5985 copy

المهم،

نبدأ نخرم بالإبرة الموجات الصوتية .. ولكم الحرية في ترك بعض الموجات

او عملها كلها

بالنسبة لي سويتها كلها بذمة وضمير 

 

IMG_5992 copy

هنا الشكل بعد تخريمها .. وقبل البدء بالخياطة

 

 

IMG_5994 copy

كما هو واضح، بدأت أول شيء بخط الأساس اللي بالوسط

ثم الموجات نفسها

 

IMG_5995 copy

تَررررا !! 

وخلصناها ولله الحمد ..

أخذت مني تقريبا ساعة ونص إلى ساعتين .. شبه متواصله

لكنها تستاهل 

جميلة جداً للتعليق على الجدران ..

أوكهدية مميزة لصديقة غالية 

بحيث كأنها تتلقى رسالة مسموعة بصوتك..

مصنوعة لها هي فقط!

تبقى عندها مدى العمر 

 

أحسها هدية لطيفة وعميييقة المعنى ..

يعني بنبسط لو احد اهداني اياها < فهمتوها ولا ألمّح زيادة ؟ 

 

**

 

 

هذا ماكان في جعبتي لليوم؛

نراكم على خير بإذن الله قريباً

<

p style=”text-align: center;”>استودعكم الله 

شارك التدوينة عبر :

10
اترك تعليق =)

avatar
5 Comment threads
5 Thread replies
0 Followers
 
Most reacted comment
Hottest comment thread
6 Comment authors
F2أمنيةشروقAfafعُهود ? Recent comment authors
  Subscribe  
الأحدث الأقدم الأكثر تصويتاً
نبّهني عن
Nurah
ضيف
Nurah

جميييل ماشاء الله ?❤️❤️❤️❤️❤️

عُهود ?
ضيف
عُهود ?

تحمست لدرجة كان ودي اقوم اسويها الحين بس تذكرت ان ماعندي اللوحة ??

حبيتها حبيتها مره ، الله يسلم يدينك ويسعدك قد ما انتِ انسانة مُلهمة وبطلة ?✨

Afaf
ضيف
Afaf

الله يعطيكي العافية
شفت هذه الفكرة قبل بس مرسومة ،اعجبتني فكرة الخياطة
انا من الجزائر و اتشرف بزيارتك لمدونتي fouffffa.blogspot.com
^_^

شروق
ضيف
شروق

ما فهمت طريقع الخياطه

أمنية
ضيف
أمنية

بسويها لصحباتي كهدية تخرج ?