عيدياتي لهالسنة ^^

بسم الله الرحمن الرحيم،

السلام عليكم ورحمة الله وبركاته ..

حياكم الله جميعاً .. والعيد عليكم مبارك! 

أعاده الله علينا وعليكم بالخير والقبول .. وعتق من النار 

.

.

.

.

.

جيت ومعي موضوع قميل .. ولو انه متأخر شوي

ههههه له حول اسبوعين في قائمة المهام ! ناوية أنزله قبل العيد

 لكن توي افضى له  *فيس سهران عشان ينزل هالتدوينه *

 بس لعلكم تستفيدون منه للأعياد القادمة بإذن الله ()

.

ولعلمكم في جعبتي الكثير من التدوينات من هالنوع،

بس افضى وانزلهم ان شاء الله .. < عزّ الله مانزلن 

.

.

 أحس بعضكم يقول وش بتستفيد اذا نزلت شي زي كذا؟ 

– لعموم الفائدة والنفع للناس..

+ لدعم المحتوى العربي الموجود على الانترنت

محتوانا العربي بحاجه لمثل هالمواضيع .. واتوقع كثير مثلي لما يجي

يبحث عن شي او طريقة صنع شي

يبحثها بالانجليزي.. لأن النتائج بالعربي قليلة ! 

.

لذلك أتمنى من كل من يجد في نفسه ولو ذرّة  هواية، او عنده علم نافع

أنه مايبخل ويبادر بالتدوين.. أو يشاركها الآخرين بوسائل التواصل الأخرى

حتى يكون محتوانا العربي ثرّي بالفنون، والعلوم 

.

.

.

.

.

.

المهم نرجع لموضوعنا 

عيدياتي هالسنة بديتها من بدري هالمره لأن وقتها بيصادف دراستي 

والحمدلله خلصتها ليلة يوم عرفة 

.

دائما أحب محتوى العيديات

يكون بسيط واتفنن بإخراجها اكثر ..

هالمرّه سويت نوعين عيديات، وكلها غير مكلفة لكن إخراجها معطيها ظرافة ولطافة 

وبكتب التفاصيل تحت بإذن الله ..

.

.

IMG_6011

النوع الأول: لجيراني وكانت فكرتها لطيفة ..

اكياس ورق عبيتها بشوكلاته صغار منوعات + بطاطس

والفكرة تكمن في اني اعلقها ع ابوابهم صبح العيد 

عاد مايحتاج اقول اني من بعد صلاة الفجر يوم العيد مانمت من الحماس

أبي اطلع اعلّق العيديات 

.

IMG_6010

.

قبل كل شي طبعت الملفين الموجودات تحت

وبديت اقصهم 

IMG_5999

بعدها كل اللي نحتاجه :

–  حلويات وبطاطسات

–  خيوط خيش

–  خرامة

ملف التعريف بعيد الأضحى وصورة الخروف (ملف) (صورة الخروف)

للأمانه الخروف هو نفسه اللي نزلته أروى العمراني بمدونتها

لكني ركبته بمنطاد 

البطاقة الأمامية سويتها باستخدام آلة القص (الكاميو) .. بامكانكم الاستغناء عنها

او صنع بطاقة مشابهه مع الكتابة بخط اليد

اكياس ورق، الكيس هذا اشتريته ملون وجاهز من امازون، وبالسعودية موجود كثير بمحلات البلاستيك

بس مش ملون طبعا 

لكن باعتقادي انه بإمكانكم التفنن اكثر ع الاكياس بطريقتكم الخاصة 

إما بتلوينها، او الرسم عليها مثل ماتحبين!

.

.

.

 كذلك بإمكانك رسم الدوائر

بألوان مائية .. باستخدام ممحاة قلم الرصاص

مثل ماسوت هذي:

.

.

.

أيضا نقدر نسوي نفس فكرة الدوائر الملونه

بطريقة اخرى

 باستخدام الغراء -أفضّل استخدامالمود بودج

رائع لكثير من الاستعمالات الفنيّة .. اهمها الديكوباج 

الفكرة انك تخرمين اوراق ملونه ،

وتكونين خالطه شوي من الغراء بشوية موية (الكميات متساوية)

وتضعينه بالفرشة ع اكياس الورق ثم تحطين الورق الملون فوق طبقة الغراء

ولمسه غرائية اخيرة

وانتظريه لين ينشف وبيصير جماال 

.

اجمل مابالغراء هذا انه اذا نشف يصير شفاف

بالتالي لاتشيلين هم ان الشكل بيخرب أو كذا .. 

.

.

IMG_6019

وهذي العيديات صبح العيد ..

جاهزه للتعليق 

واتوقع طريقتها واضحة ..

خرمتها بالوسط .. ودخلت الخيط فيها من التخريمتين

ثم جبت اوراق التعريف بالعيد وقصقصتهم

IMG_6009

ثم سفطتهم بالنص وخرمت خرمة وحدة

ثم اضفت صورة الخروف

ثم البطاقة اللي باسمنا

وعقدته

ثم تركت مسافة بسيطة بالخيط عشان يمديه يتعلق ع الباب

ثم عقدته مره ثانية

.

IMG_6020

وهنا بعد التعليق على أحد الأبواب 

.

.

.

IMG_6008.

وننتقل لـ

النوع الثاني: باسم حمودي 

IMG_6000

أيضا سهلة جدداً وواضحة،

وهي عبارة عن لوح شوكلاته زينتها بالموجود عندي من:

ورق تغليف

– خيوط خيش

ملف التعريف بعيد الأضحى وصورة الخروف (ملف) (صورة الخروف)

ختم عليه عبارة لطيفة

ورق الدانتيل او مدري شسمه 

واشي تيب الشريط اللاصق حق التزيين

IMG_6002

.

.

.

وهذي النتيجة النهائية:

IMG_6016

.

**ملف التعريف بالعيد ربما مب مهم بالنسبة للبعض،

لكنه مهم للمغتربين أمثالي

لأن عيدياتي أغلبها كانت للأجانب .. فحلو يعرفون عن أعيادنا 

بإمكانكم استبدالها بمعايدة من عندكم .. وتغيير الحجم

لأن المربع اللي صممته كبير شوي واضطريت اسفطه 

.

.

.

وبس!

ألقاكم على خير قريبا ان شاء الله بتدوينة أجمل وأجمل 

وبالمناسبة! حجّا مبرورا وسعياً مشكورا لكل حجّاجنا

تقبل الله منا ومنكم 

شارك التدوينة عبر :

1
اترك تعليق =)

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
Zahra Recent comment authors
  Subscribe  
الأحدث الأقدم الأكثر تصويتاً
نبّهني عن
Zahra
ضيف
Zahra

شكراً على لطفك وحسن جوارك للناس
افتخر ان فيه نماذج مثلك تنشر البهجه

حبيت الفكره وان شاءالله اجربه في عيد رمضان