تأملات وأفكار

لا تحقرنّ من المعروف شيئا

بسم الله الرحمن الرحيم،

السلام عليكم و رحمة الله وبركاته ،

 

حصل لي موقف قبل يومين خلّاني أتفكر فيه بعمق .. كيف الواحد مايحقر النتفه ! 

جارتنا بالسعودية الله يجزاها خير عرفت أن أختي جاها حرق بسيط بيدها،

فحبّت تساعد و أرسلت لها خلطة ” خوّاجوّا ” بعلبه صغيرة .. عشان تدهن مكان الحرق فيها

+ يُقال ان الخوّاجوّآ يخفف أثر الحروق والجروح،

المهم اختي كانت تستخدمه فتره ليما خف الاثر.

 

ثم بعد ذلك وصلتني نفس العلبة اللي استخدمتها اختي،

و استخدمتها فترة ختان حمّودي و استفدت منها .

ثم بعد ذلك و قبل أمس تحديداً،

وحدة من البنات انحرقت يد بنتها .. و أرسلت لها نفس العلبه و ميبو ..

و محد يدري عند مين بتنتهي هالعلبة نفسها ؟ 

سبحان الله رغم صغرها الا ان فيها بركه عجيبه عجييبه :”

 

جلست وقتها أتأمل .. كيف ماشاء الله النية الصالحة !

شوفوا وين وصلت !

هل كانت جارتنا تتوقع أن اللي أرسلته لأختي بيستفيد منه أكثر من شخص ؟

هل كانت تتوقع انه بيطلع برا السعوديه مثلا ؟

مستحيل!

لكن نيتها طيبه تبارك الله :”

 الواحد أبد ما يحقر شيء ..

الله يجزاها خير و ينفع بها ويضاعف أجرها 

و من هذا المنطلق .. أحد الأفكار البسيطه اللي نقدر نسويها و نؤجر عليها:

إطعام الطعام،

عندك حوش/بلكونه .. حطي فيها صحن مويه و صحن خبزه مقطعه او اكل او رز للطيور 

 

* الآن جاء دوركم،

 أعطونا بالتعليقات أفكار سهله، بسيطه، و نؤجر عليها 

شارك التدوينة عبر :

فاطمة الطريقي 
مصممة جرافيك مستقلة 👩🏻‍💻
خريجة تصميم جرافيكي منذ ٢٠١٨🎓✨
مُهتمّة بتصميم المنتجات، الرسم، المطبوعات، رواية القصص، والأعمال اليدوية 💛
أسعى لتدوين النافع من خلال هذه المدونة.

التعليقات ..

avatar
  Subscribe  
Notify of